Bjørn Jonson Dale:

 

VÅGNESHOLMEN

 

 

Holmen blir også kalt Fransholmen, trulig etter Frantz Hanssen Stochberg, og Nilsholmen, etter borgaren Nils Jenssen. Den første som handla her var borgaren

  LAURITZ NILSSEN, nemnd 1619‑20. Kanskje var dette samme mann som den Lauritz Nilssen vi finn i Nørvasundet 4 år seinare. Her budde folk også i 1620, men det er vanskelig å peike dei ut. Mest trulig var det

  MADS BROCH, kanskje ein borgar, som er nemnd som husmann under Våge kring 1630. Enka etter han, Karen, satt her i alle fall til 1637. Ikkje lenge etter må

  NILS JENSSEN ha slått seg ned. Han var fra Horsens og tok borgarskap i Bergen 1641. Nils Jenssen handla først som utfarar fra Bergen, men seinast 1645 var han busett her. Han døydde kring 1674. 1675 satt kona

  MEIN CLAUSDATTER som enke og borgarske på holmen. Ho må ha vore av ei ætt Svertz (Suers, Svartz o.l.) sidan stordelen av etterkommarane deira tok dette namnet. Kring 1680, eller kanskje noke før, blei handelen overtatt av ver­sonen

  HANS FRANTZEN STOCHBERG, som hadde borgarskap i Bergen fra 1674. Han var fødd i Holb­æk, men var kanskje oppvaksen på Sunnmøre. (Han hadde ei søster som var gift i Eiksund, med Peder Nilssen Eegsund.) 1704 er det opplyst at han var 54 år og hadde "verit i kongens tieniste anno 1676 for overstyr­mand, og siden capitain paa en Bergens Spaniefarer". Hans Frantzen kjøpte 1685 Djuvika og flytta seinare dit. Trulig fra sist i 1690‑åra må sonen

  FRANTZ HANSSEN STOCHBERG ha dreve handelen her. 1704 for han utanlands. På skiftet etter faren 1727 er det opplyst at familien hadde fått brev fra han 1708, men seinare ikkje høyrt noke. Hans Frantzen tok så over handelen sjøl ei tid, heilt til den andre sonen,

  NILS HANSSEN STOCHBERG, som før hadde handla på Synnesvold, overtok 1714. I manntal­let fra 1704 er det opplyst at han var "billed­hugger"; ein utskoren portal over Stochberg‑familien sitt gravmæle i Borgund kirke kan vere skoren av Nils (no i Histo­risk Museum i Bergen). Nils Hanssen Stochberg døydde 1733, 50 år gammal, truleg som ein rik mann. Enka

  DORTE LARSDATTER STUD, kremmardatter fra Valderhaug, dreiv så handelen til 1738, då ho selde borgarsetet til

  JENS PEDERSEN TONNING for 700 rd. Han var kremmarson fra Togning i Stryn, Nordfjord, og av Langloe‑ætta på morssida. Han handla her til 1762, då han gikk fallitt; budde seinare i Bjørkavågen og Blind­heimsbreivika. Handelsskatt 1744‑61. Fra 1770 handla han på Valderhaug som fullmektig for skipper Paust på Molde. 1749 blei det tilrådd at kremmaren på Fransholmen kunne svare 12 rd årleg i staden for handelss­katt og konsumpsjon. Sist i 1760‑åra budde "mon­sieur"

  JOHANNES BOLDT på holmen, og han dreiv truleg handel eller gjest­giveri, men utan å svare skatt. Han flytta til Sørneset 1773 eller før. Så ser det ut til at handelen låg nede til 1786, då

  ARENT NICOLAI HEIDE, kremmarson fra Vågnes­et, slo seg ned på staden. Samme året fikk han kongelig krem­marløy­ve. Han svarte handelsskatt 1790-­1812. Han flytta til Vågneset, der han døydde 1812. Peter Nicolai Randulff kjøpte holmen 1816, men kan ikkje ha handla her. Seinare ingen han­del.

 

 

NILS JENSSEN (-<1675)

Gm Mein Clausdt (sk1692) trulig av ei ætt Svertz (Suerdz, Suertz, Svers osv, jf borgaren Henrik Jansen Svertz i Bud og på Molde).

Minst 4 barn:

a Jens Nilssen, Drynesund, Vatne

b Anne Nilsdt sk1690, nn

c Trine Nilsdt 1645-1707, Kjeldsund, Herøy

d Claus Nilssen -1693c, Slinningen

 

 

HANS FRANTZEN STOCHBERG (c1649-1727)

NK Bergen 1673 gm Anne Nilsdt (sk1690) fn.

Gm Anne Hansdt Hagerup (c1654-1719) datter av Hans Rickertsen (Hagerup), borgar i Romsdal, og Anne Sørensdt; Anne Hansdt visstnok før gm Nils Anderssen, Selnes i Vestnes, Romsdal.

Minst 5 barn (a-e) med 1k, minst 1 med 2k:

a Frantz Hanssen 1673-*1708, for utanlands 1704, siste brev 1708

b Dorte Hansdt Stochberg 1676-

b Nils Hanssen Stochberg c1683-1733, nn

c Mein Hansdt Stochberg *1730, Brunholmen, Ålesund

d Anne Hansdt Stochberg c1684-1762, Store Nørve

e Emte Hansdt Stochberg c1685-1776, Honningdal, Skodje

----------------

f Nils Hanssen Hagerup 1704:13 *1738, sorenskrivar i Moss, gm Karen Plade

 

NK Bergen 1673 Hans Fransøn & Anna Nielsdt, baadzmand Niels styremands dat

 

NK 1673 12/12: Frans - Hans Fransøn, baadzmand ved Nøsted

NK 1676 17/03: Dorethe - Hans Fransøn, baadzmand

 

 

NILS HANSSEN STOCHBERG (c1683-1733) fn, 1704 kalt "Billedhugger".

1710 gm Dorte Larsdt Stud (*1740) Laberget II, 1740 reiste Dorte og 3 av døtrene til Herrnhut.

Minst 5 barn:

a Anne Stochberg -1756c, gm Mølløe, kateket, ukjent stad

b Susanne Stochberg 1715-58, 1744 gm Abraham Reincke 1712-58, teolog fra Jena

c Nille Dortea Stochberg 1717-, 1762: "døde i Hernnhudt i Tyskland for 6 à 8 aar siden"

d Lars Nilssen Stochberg 1719-*62, 1762 på Sør Herøy, Helgeland

e Francke Kristine Stochberg 1721-, 2-3 år før 1762 budde ho "blant de mærische brødre", trulig i Herrnhut

 

Ad (b): Reincke var lærar i Herrnhut for grev Zinzendorf sin son, så prest i Sankt Petersburg, Holland, England og endelig, fra 1744, i Pennsylvania (Nazareth, Bethlehem, Philadelphia og Lancaster). Reincke var kjøpmannsson fra Stockholm. Med Susanne Stochberg hadde han minst 1 barn, Abraham Reincke, prest i Lancaster, Pennsylvania. Hans son, Samuel Reincke, blei bisp i Pennsylvania.

 

 

JENS PEDERSEN TONNING

 

 

JOHANNES BOLDT

 

 

ARENT NICOLAI HEIDE (1764-1812 sk1812) Drynesund, Vatne (sjå Vågneset).

1786 gm Maren Iversdt Høgh (1751-87 sk1788) Vegsund.

1788 gm Anne Helene Berg (c1763-89 sk1789).

1791 gm Birgitte Marta Hammond (1763-95 sk1795) Hamna.

1795 gm Anna Bagge Mechlenburg (1774-1812) Vegsund.

1 barn (a) med 1k, 3 (b-d) med 3k og 7 med 4k:

a Martin Johan Arnoldus Heide 1787-, 1812 sjømann, for til Nord Amerika 1811

----------------

b Anne Helene Heide 1792-1873, 1812 gm månadsløytnant, sidan tollbetjent Broder Brodersen Bang

c Thomas Hammond Heide 1793-1858, Vågneset

d Ingeborg Kirstine Heide 1794-1847, ugift

----------------

e Hans Jacob Hiort Mechlenburg Heide 1796-*1812

f Maren Birgitte Heide 1797-1856, 1819 gm Simon Kildal Lund

g Anne Bagge Høgh Heide 1798-*1812

h Henninge Birgitta Fæster Heide 1800-<1812

i Henrik Hans Ulrik Morsing Heide 1805-61, glassmeister i Ålesund

j Nicolay Nicolaysen Heide 1808-86, budde på Vågneset, ugift

k Sebastiane Caroline Heide 1810-<65, Honningdal, Skodje