Grova - Lokalhistorisk nettmagasin for Indre Sunnmøre
:Etterlysing	Attende til Etterlysingar

Etterlysing: Ole Knudsen Kjellstad, f. 1751

Per Tore Solheim, Vegårshei, etterlyste i Digitalarkivet 08.05.2002

Min oldefar het Peder Amundsen, og var fra Kjellstad i Sunnylven. Han flyttet i 1848 til Hornindal der han kjøpte en av Solheim-gårdene - derfor vårt slektsnavn. Som kilder for Peders slekt (Kjellstad - Per, som han alltid ble kalt, jeg er oppkalt etter ham!) har jeg imidlertid bare folketellingen i 1801 og litt til.

Far hans var Amund Olsen Kjellstad, f. 1786 og mor Anna Marta Øygard, f. 1777.
Besteforeldre Ole Knutsen Kjellstad, f. 1751 og Malene Amundsdtr, f. 1748.

SPØRSMÅL: Er det noen som har tilgang til aktuelle bygdebøker, og der kan finne opplysninger om Kjellstad - gården(e)?

Med vennlig hilsen
Per Tore Solheim

Tor Myklebust, Bergen, svarte  10.05.2002

Ole Knudsen og Malene Amundsdatter kom til Sunnylven og kjøpte bruk 1 på Kjellstad i 1787. Då dei gifta seg i Stryn i 1783 er han enkjemann og skriv seg for Lunde. Malene Amundsdatter kallar seg Nedre Flo. Dei hadde med seg to søner Knud f. 1784 og Amund f. 1786 som begge var fødde på Kirkeeide i Stryn.

Amund Olsen gifta seg i 1811 med Anne Martha Kristensdatter. Ho var enkje etter Halkjell Haagensen Lille Ringdal og Amund Olsen vart no brukar på Lille Ringdal (=Øggard). Broren Knud Olsen som hadde teke over farsgarden på Kjellstad døydde i 1818. I 1822 kjøpte Amund bruket etter broren men flyttar ikkje til Kjellstad før Anne Martha sin son frå første ekteskap, Iver Halkjellsen, tok over på Lille Ringdal i 1826.

Anne Martha Kristensdatter var fødd i 1776 på Stadheim. Ho var dotter til Kristen Jacobsen Stadheim (1734 - 1790) og Marit Nilsdatter (1743 -1831). Kristen J.var 5te generasjons brukar på Stadheim og av Vereide-ætt. Marit N. var dotter til Kari Øy frå Vågå og Nils Pedersen frå Berstad (Stryn). Kari Øy vart gift 2dre gong med Peder Lassesen Flo og dei budde på Korsbrekke og Ringdal i Sunnylven. Kari Øy er mykje omskreven bl. a. i to artiklar i Tidsskrift for Sunnmøre Historiske Lag 1934 og 1937/38.

Meir om Ola Knutsen Kjellstad:

I bygdeboka for Innvik og Stryn under garden Ytre-Lunde, Knutebruket, står det:
"Sonen Ola [Knutsen], [fekk] skøyte 1761 p.s. Kone 1. Agnete Mattisd. Kirke-Eide, d. 64 år gamal i 1781. Kone 2: Malene Amundsd. N.Flo. Dei flytte frå bruket."

Jacob Aaland, Innvik-Stryn, s. 404, 1973-utgåva.

Kommentar: Ola Knutsen er son til Knut Olssen Lunde, f. 1692.

 

Utdrag frå Sunnylven og Geiranger II av Amund Lillebø, s. 246-247.
1787. Ola Knutsson Lunde. Han var g.2.m. Malina Aamundsd. Flo då han kom
til Kjellstad. Han sat fyrst på Knutbruket på Lunde, men vart utatt-trætta.
Ola var smed og bygningsmann. I Stryn gjorde han eit bisna verk. Kyrkja deira
heldt på sige ut over av sperretrykk på langveggene, så dei hadde sett seg føre
å rive henne. Ola hadde vore i smedlære i Bergen og visste at det let seg gjere
å skrue saman att hus som det stod slik til med. Så tok han på seg å vøle kyrkja.
Han fekk det som turvtest frå Bergen, og arbeidet lukkast så bra at det var ikkje
fritt for at somme rekna det for trollskap, det han gjorde.
Ola døydde 1823, 84 år g. og Malina 1836, 88 år g.

- Bom: 1. Knut, f. 1782, neste brukar. 2. Aamund, f. 1785, brukar etter broren.

1810. Knut Olsson fekk skøyte for 150 rdl. Han var g.m. Anne Larsd. Mindre
Sunde. Knut døydde 1818, 36 år g. Dei hadde ein son som døydde i
barnealderen. Anne gjekk med "barn under beltet" då Knut døydde. Barnet vart
døypt Kanutte etter faren og døydde som barn.
Anne vart g.2.m. Jakob Jonsson Sæter. Bruket gjekk så over til bror til Knut,
Aamund.

1822. Aamund Olsson fekk skøyte for 400 spdl. frå Jakob Jonsson og Kanutta
Jakobsd. Han var g.m. enkje Anne Marta Kristensd. Lille Ringdal. Aamund var
ein høg, traustvaksen kar, fåmælt, men med uvanleg gode evner. Han skreiv
godt føre seg. Knut Syltevig lærde han. Ein må undre seg når ein les i
formannskapsprotokollen, at ein uskula mann kunne stile og skrive såpass.
Aamund var vår fyrste ordførar, og han har sjølv ført protokollen. Likeins var
han forliksmann.

Aamund døydde 1862, 76 år g. og Anne Marta 1850, 73 år g.
- Bom:
1. Helga Katrine, f. 1811, g.m. enkjemann Peder Olsson Tronstad, Øv-Ljøen. Ho hadde særs gode evner slik som brørne. Peder sa om henne: E' les, og ho Helge forstend.
2. Knut, f. 1814, g.m. Marit Kristensd. Stadheim.
3. Ola, f. 1815, neste brukar.
4. Kristen, f. 1819, g.m. Ragnhild A. Tryggestad, sat på Seljeset, bnr 5.
5. Martinus, f. 1820, g.m. Marte Sølfestd. Slettebakk, f. 1815. Dei kjøpte Bjønnavika.
6. Peder, f. 1823, g.m. Ingeber Johannesd. Kjellstad. Dei kjøpte bnr 8 på Solheim, Hornindal.